ਕਈ ਸਾਲ ਰਿਹਾ ਉਹ
ਮੇਰੇ ਨਾਲ ਰਿਹਾ ਉਹ
ਚੇਤੇ ਤਾਂ ਆਉਂਦੇ ਹੋਵਾਂਗੇ
ਪਰ ਟਾਲ ਰਿਹਾ ਉਹ
ਜਾ ਤੂੰ ਕਿੱਥੇ ਤੇ ਉਹ ਕਿੱਥੇ
ਉਹਨੂੰ ਕਿਸੇ ਨੇ ਕਿਹਾ ਹੋਣਾ
ਇਹ ਕਹਿ ਕੇ ਛੱਡ ਗਿਆ ਕਮਲ਼ੀ ਨੂੰ
ਛੱਡ ਆਪਣਾ ਕਿਹੜਾ ਵਿਆਹ ਹੋਣਾ...

ਮੈਂ ਪਾਗਲ ਨਾ ਪਹਿਚਾਣ ਸਕੀ
ਉਹਦਾ ਭੋਲਾ ਜਿਹਾ ਚਿਹਰਾ
ਬੇਸ਼ਕ ਉਹ ਅੱਜ ਕਿਸੇ ਹੋਰ ਦਾ ਏ
ਪਰ ਉਦੋਂ ਸੀ ਮੇਰਾ
ਦੀਪ ਨੂੰ ਛੱਡ ਕੇ ਉਹਨੂੰ ਵੀ
ਥੋੜਾ ਫਰਕ ਤੇ ਪਿਆ ਹੋਣਾ
ਇਹ ਕਹਿ ਕੇ ਛੱਡ ਗਿਆ ਕਮਲ਼ੀ ਨੂੰ
ਛੱਡ ਆਪਣਾ ਕਿਹੜਾ ਵਿਆਹ ਹੋਣਾ...

ਕਦੇ ਫੁੱਲ ਦਿੰਦਾ ਸੀ ਉਹ ਮੈਨੂੰ
ਕਦੇ ਅੰਬਰੋਂ ਤਾਰੇ ਲਾਉਂਦਾ ਸੀ
ਹਾਂ ਹੌਲੀ ਹੌਲੀ ਫਰਕ ਪਿਆ
ਪਹਿਲਾ ਪਹਿਲਾ ਤਾਂ ਚਾਹੁੰਦਾ ਸੀ
ਮੇਰੇ ਨਾਲ ਜਿੰਨਾ ਖੁਸ਼ ਸੀ ਉਹ
ਮੇਰੇ ਬਾਅਦ ਉਹਨਾਂ ਨਈ ਰਿਹਾ ਹੋਣਾ
ਇਹ ਕਹਿ ਕੇ ਛੱਡ ਗਿਆ ਕਮਲ਼ੀ ਨੂੰ
ਛੱਡ ਆਪਣਾ ਕਿਹੜਾ ਵਿਆਹ ਹੋਣਾ...